Bawaseer Ka Ilaj: Dawai, Operation Ya Laser – Kaunsa Behtar?

Bawaseer ka ilaj ke liye mukhtalif tareeqay maujood hain, aur har mareez ke liye behtar ilaj ka intikhab uski beemari aur bawaseer ki stage ke hisab se kiye jata hai. Mein (Dr. Abdullah Iqbal) apki bawaseer ka ilaj adwiat yani medicine se karta hun jabkay surgery aur Pakistan mein pehli dafa laser se bawaseer ka ilaj bhi meine 2022 mein Karachi mein shru kia hai.

Is blog mein hum har bawaseer ka ilaj ke tariqay ke bare mein bat kareinge aur aspects ko detail mein discuss karenge, aur mein (Dr. Abdullah Iqbal) apko bataunga ke apke liye kab konsa ilaj karwana behter hai aur bawaseer ka laser se ilaj kuyn apke liye sab se behter option hai.

Bawaseer Ke Ilaj Ke Liye Medicines (Adwiat)

Bawaseer ke ilaj ke liye medications ek effective aur non-invasive option hai, khas tor par jab masla mild ya initial stage par ho. Agar aapko light bleeding, swelling ya irritation ho, jo pakhana karne ke baad khatam ho jaye, to medications aur creams ek behtareen choice ho sakti hain.

Medicines Kaise Kaam Karti Hain?

✅ Swelling aur pain ko kam karti hain.

✅ Bleeding ko control karti hain.

✅ Anal area ki irritation aur burning sensation door karti hain.

✅ Bowel movements ko smooth banati hain, taake takleef na ho.

Common Medications for Piles

🟢 Topical Creams & Ointments (lagane wali dawaiyan):

• Tronolane Cream: Pain aur itching ko kam karti hai.
• Hedesa Cream: Inflammation and discomfort reduce karti hai.
• Xyloaid Cream: Local anaesthesia deti hai, jisse dard aur jalan kam hoti hai.

🟢 Tablets & Capsules (khane wali dawaiyan):

• Daflon Tablet: Blood circulation ko improve karti hai aur swelling ko kam karti hai.
• Doxium Sulphate: Blood vessels ko strong banati hai aur inflammation reduce karti hai.
• Transamine Capsule: Severe bleeding ko control karne ke liye diya jata hai.

Zaroori Hidayat:

✔️ Doctor ki hidayat ke mutabiq dawaiyan lein. Har dawai ki apni properties hoti hain, bina prescription ke kuch bhi na lein.

✔️ Regular check-ups, zaroori hain. Yeh ensure karta hai ke aapka ilaj sahi direction mein ja raha hai.

✔️ Lifestyle modifications, Karein. Fiber-rich diet aur pani zyada peena takleef ko door karne mein madadgar hai.

Agar symptoms zyada serious ho jayein ya medications se relief na mile, to advanced treatments jaise laser ya surgery ka option consider karna parega. Is liye apne doctor se mashwara zaroor karein, taake best treatment plan banaya ja sake.

Laser Treatment for Piles (Bawaseer ka Laser ilaj)

Bawaseer ka laser treatment ek advanced aur modern tareeqa hai, jo piles ke mokay aur symptoms ko sahi karne mein sab se best option hai. Is laser treatment mein high-energy laser beam ka istemal kiya jata hai, jo bawaseer ke mokay ke andar ja kar uski mass (tissue) aur blood vessels ko shrink karta hai aur unko heal karne mein madad deta hai. Is tareeqe mein koi churi (scalpel) ya cut ka khadsha nahi hota, kyunki laser sirf affected area par kaam karti hai. Is wajah se pain (dard) aur discomfort bhi kam hota hai. Yeh tareeqa zyada tar mareezon mein outpatient procedure hota hai, yani mareez ko hospital mein admit hone ki zaroorat nahi hoti aur woh same day ghar wapas ja sakta hai.

Laser Treatment for Piles ke kuch ahem faide yeh hain:

✅ Minimal Bleeding: Laser blood vessels ko seal kar deta hai, jis se khoon behna fori ruk jata hai.

✅ Fast Recovery: Traditional surgery ke muqablay mein, iss procedure ka recovery time bht kam hai, aur app fori theak hojatay hain.

✅ Less Pain: Kyunki koi cut nahi lagta, is liye pain aur swelling bhi kam hoti hai.

✅ No Stitches: Laser se tissue ko heal kiya jata hai, is liye stitches ki zaroorat nahi hoti, but aksar patinets ko mucopexy ki zarorat hoti hai, jisme hum tissue ko andar stick kardete hain.

Lekin har mareez ke liye yeh tareeqa behtareen nahi hota. Aur hum aksar mareezun mein open surgery bhi recommend karte hain, khas tor pe un mareezun ke liye ke jinhain mokay bht baray hun, ya phr bawaseer ka external component ho yani skin bahar bhi bawaseer ho. Is liye apne doctor se consultation zaroor karein taake yeh dekha ja sake ke aap ke case mein bawaseer ka laser treatment behtar hai ya nahi.

Band Ligation

Band Ligation ek simple aur effective tareeqa hai jo small-sized haemorrhoid (bawaseer ke moqay) ke ilaj ke liye istemal hota hai. Is tareeqe mein rubber band ka istemal kiya jata hai jo hemorrhoid ke base par lagaya jata hai. Yeh band bawaseer ke mokay ki blood supply ko block kar deta hai, jis wajah se hemorrhoid (moka) sookh kar gir jata hai.

Faide:

✅ Non-surgical procedure: Is mein koi cut ya stitches nahi lagte.

✅ Minimal pain: Thoda discomfort ho sakta hai, lekin zyadatar cases mein severe pain nahi hota.

✅ Quick recovery: Aam tor par kuch din mein normal routine wapas shuru kiya ja sakta hai.

Limitations:

❌ Sirf internal hemorrhoids ke liye behtar hota hai.

❌ Large ya severe hemorrhoids ke liye kaam nahi karta.

❌ Temporary discomfort ya halka bleeding ho sakta hai.

Sclerotherapy

Band ligation ki tarah Sclerotherapy for hemorrhoids ek minimally invasive tareeqa hai jo bawaseer ka ilaj mein istemal hota hai. Is tareeqe mein ek special chemical injection bawseer  ke andar di jati hai. Injection ke andar jo chemical solution hota hai, woh bawaseer ki blood vessels ko shrink kar deta hai, jis se hemorrhoid dheere dheere sookh kar gir jata hai.

Faide:

✅ Non-surgical: Koi chiri ya cut nahi lagta.

✅ Quick procedure: Sirf 5-10 minutes lagte hain.

✅ Fast recovery: Mareez same day ghar ja sakta hai.

Limitations:

❌ Sirf small-sized hemorrhoids ke liye behtar hai.

❌ Large ya prolapsed hemorrhoids ke liye effective nahi hota, aur isse use karke complications hojati hain

❌ Multiple sessions ki zaroorat ho sakti hai.

❌ Aksar patients mein injection ke bad discomfort lambe time ke liye reh sakta hai.

Sclerotherapy ka intekhab hemorrhoid ya bawaseer ki severity aur patient ki condition ke mutabiq hota hai. Is liye apne doctor se proper consultation zaroor karein taake behtareen faisla kr sake or bawaseer ka ilaj mimkin ho sake.

Hemorrhoidectomy (Operation)

Haemorrhoidectomy ek surgical procedure hai jo severe ya chronic hemorrhoids ke ilaj ke liye istemal hota hai. Jab medications, band ligation ya sclerotherapy aur laser treatment kaam na karein, ya jab hemorrhoids bohot large, painful ya prolapsed ho jayein, tab surgery ki zaroorat hoti hai.

Procedure Kaise Hota Hai?

🔹 General ya local anaesthesia diya jata hai taake patient ko pain na ho.

🔹 Scalpel, laser ya cautery ke zariye hemorrhoids surgically remove kiye jate hain.

🔹 Wound ko stitches ya open healing ke zariye band kiya jata hai.

🔹 Patient ko pain management ke liye medications aur antibiotics di jati hain taake recovery smooth ho.

Faide:

✅ Permanent Solution: Yeh severe hemorrhoids ka long-term solution hai.

✅ Effective for Large Haemorrhoids—Yeah, large, prolapsed ya recurrent haemorrhoids ki sorat mein aik behtareen tareeqa hai.

✅ Stops Severe Bleeding: Chronic bleeding waley patients ke liye best option hai.

Limitations:

❌ Longer Recovery Time: 2-4 weeks tak complete recovery lag sakti hai.

❌ Post-Surgery Pain: Yeh tareeqa zyada painful ho sakta hai compared to other treatments, especially laser treatment

❌ Risk of Infection and Complications: Proper care na ki jaye to infection ya temporary incontinence ho sakti hai.

Agar aapko severe hemorrhoids ka masla hai to apne doctor se mashwara lein, taake best treatment plan banaya ja sake jo aapki health aur zaroorat ke mutabiq ho

Learn How Laser Treatment Can Help You—Find Out More Now!

Conclusion

Bawaseer ka ilaj har mareez ke symptoms aur condition par depend karta hai. Mild cases mein medications, creams aur dietary changes se behtar results mil sakte hain, jabke severe cases mein laser treatment ya surgery ka option zaroori ho sakta hai. Sab se zaroori baat yeh hai ke apne ilaj ko delay na karein aur doctor se bar waqt mashwara karein, taake aapke liye behtareen aur sab se safe treatment ka intekhab kiya ja sake. Agar aap early stage mein hi bawaseer ka ilaj shuru karein, to surgical procedures se bachna bhi mumkin hai.

Saath hi, healthy diet, hydration, aur active lifestyle maintain karna bhi zaroori hai, taake bawaseer dobara na ho. Doctor ki hidayat par amal karein aur apni sehat ka khayal rakhein, kyunki sehat hi zindagi ki asal daulat hai.