5 Bawaseer Ki Alamat Aur Unse Bachne Ke Tarike in Urdu

Bawaseer, ek aisi bimari hai jo logon ko bohot pareshan karti hai. Ye aam tor par tab hoti hai jab humare rectum (pakhane ke raste) mein khoon ki nasain sujh jaati hain. Bawaseer ki alamat mein, potty karne ke bad takleef ya dard ka hona, khoon nikalna aur kharish ka ehsas hona shamil hain. Ye naasein aksar itni badh jaati hain ki bahar aa jaati hain, aur bleeding ka bais banti hain aur aksar bahut dard dene lagti hain. Is article mein, hum bawaseer ki alamat, yaani symptoms, aur unse bachne ke tarike samjhenge taake hum is bimari se door reh sakein karne aur apni sehat ka khayal rakh sakein.

Bawaseer Ki Alamat (Symptoms of Piles)

Bawaseer ki kuch ahem alamat hain jo humein is bimari ke hone ka pata deti hain. Ye alamat kuch is tarah hain:

1. Dard Aur Takleef

• Jab aap toilet jaate hain, to kabhi kabhi aapko bohot dard mehsoos hota hai. Ye dard itna zyada ho sakta hai ke aapko toilet jana mushkil ho jata hai.

2. Khoon Aana

• Agar aapko toilet paper par ya toilet karne ke bad khoon tapakta hua ai tau yeah bawaseer ki nishani ho sakti hai.

3. Swelling

• Aapko apne pakhane ki jaga par choti choti gathiyaan ya sujan mehsoos ho sakti hai. Ye sujan jab kaafi bari hojain tau aapko dard aur takleef de sakti hain.

4. Itching Aur Irritation

• Kabhi kabhi, pakhane ki jaga ke aas paas kharish aur irritation mehsoos ho sakti hai.

5. Toilet Ke Baad Takleef

• Bawaseer hone par, jab aap toilet se bahar nikalte hain, to kabhi kabhi aapko takleef mehsoos hoti hai ya aapko aisa lagta hai ke aapko phir se toilet jana hai.

Bawaseer Se Bachne Ke Tarike (Ways to Prevent Piles)

Ab jab humein bawaseer ki alamat pata chal gayi hain, to humein ye bhi samajhna chahiye ke hum isse kaise bach sakte hain. Yahan kuch asaan tarike hain:

1. Achhi Diet Ka Intikhab

• Fruits aur Sabziyan: Apni diet mein zyada se zyada phal aur sabziyan shamil karein. Ye aapke digestion ko behtar karte hain aur aapko constipation se bachate hain.
• Pani Peena: Koshish karain ke zyada paani ka istimal karain. Pani aapke jism ko hydrated rakhta hai aur stool ko naram karta hai, jisse aap asani se stool pass kar sakte hain

2. Physical Activity

• Exercise Karein: Rozana thodi der tak exercise karna zaroori hai. Yeh aapko sehatmand rakhta hai aur aapke digestion ko behtar karta hai. Aap chhoti chhoti walks ya khel karke bhi apni activity barha sakte hain.

3. Toilet Ki Aadat

• Toilet Aadat: Jab aapko toilet jana ho, to poti ko na rokain. Der karne se aapka stool hard ho jata hai, jisse aapki qabz aur takleef barh sakti hai.

4. Stress Se Bachne Ki Koshish

• Relaxation Techniques: Stress se bachne ke liye meditation ya deep breathing ki techniques istemal karein. Jab aap relaxed hote hain, to aapki body bhi relaxed hoti hai, jo digestion mein madadgar hoti hai.

5. Health Check-ups

• Doctor Se Milna: Agar aapko bawaseer ki alamat mehsoos hoti hain, to foran doctor se milna chahiye. Woh aapko behtar advice de sakte hain aur agar zaroorat ho to dawai bhi prescribe kar sakte hain.

Bawaseer Se Bachne Ke Aur Tarike

Kuch aur izafi bawaseer se bachne ki tadbeer yeah hain.

1. Zyada Na Baithna

• Sitting for Long Hours: Agar aap zyada der tak baithte hain, to ye piles ka sabab ban sakta hai. Isliye, thodi thodi der mein uth kar chalna chahiye.

2. Fiber Ki Miqdar Barhayein

• Fiber-Rich Foods: Aapki ghiza mein fiber ki miqdar zyada honi chahiye. Iske liye aap oats, bran, aur whole grain bread le sakte hain.

3. Heavy Lifting Se Bachen

• Avoid Heavy Lifting: agar aap koi wazan wala kam karte hain tau dhyan rakhein. Bhari cheezen uthane se aapki abdomen par pressure padta hai, jo bawaseer ka sabab ban sakta hai.

4. Hot Baths

• Sitz Baths: Agar aapko dard ya irritation mehsoos hota hai, to aap warm sitz baths le sakte hain. Isse aapko comfort milega aur dard me bhi kami aayegi.

Get Professional Help for Piles with Karachi’s Leading Specialist!

Conclusion

Bawaseer ek aam masla hai, lekin bawaseer ki alamat ko samajhna aur unhe rokne ke tarike apnana zaroori hai. Dr. Abdullah Iqbal ke saath appointment lekar aap apne ilaj ke liye behtar guidance le sakte hain. Achi diet, regular exercise, aur health check-ups se aap is bimari se door reh sakte hain. Agar aapko kabhi bhi in alamat ka samna ho, to bina kisi der ke Dr. Abdullah Iqbal se rabta karein. Yaad rakhein, ibtida mein bawaseer ka ilaj adwiat se mumkin hai, jabkay dair karne ki sorat mein apko surgery ki zarorat hosakti hai.